DD - II

Le Naturant par ses haultes Idées
Rendit de soy la Nature admirable.
Par les vertus de sa vertu guidées
S’esvertua en oeuvre esmerveillable.
Car de tout bien, voyre es Dieux desirable,
Parfeit un corps en sa parfection,
Mouvant aux Cieulx telle admiration,
Qu’au premier oeil mon ame l’adora,
Comme de tous la delectation,
Et de moy seul fatale Pandora.

DD - I

I

L ’Oeil trop ardent en mes jeunes erreurs
Girouettoit, mal cault, a l’impourveue:
Voicy (ô paour d’agreables terreurs)
Mon Basilisque avec sa poingnant’ veue
Perçant Corps, Coeur, & Raison despourveue,
Vint penetrer en l’Ame de mon Ame.
Grand fut le coup, qui sans tranchante lame
Fait, que vivant le Corps, l’Esprit desvie,
Piteuse hostie au conspect de toy, Dame,
Constituée Idole de ma vie.

DD=Daily Délie, a dizain of the Délie posted every day

Fludd's Microcosmus

Robert Fludd - frontispiece du livre Utriusque cosmi, maioris scilicet et minoris, metaphysica, physica atque technica historia (1617)
avec le dessin symbolique où sont incrits les mots macrocosmus et microcosmos (?)

geciteerd door Enzo Giudici in een noot op p. 279 van zijn uitgave van Microcosme, Paris 1976 Librairie VRIN

http://www.billheidrick.com/Orpd/RFludd/index.htm

Microcosme - Livre Premier 1-22

Dieu, qui trine en un fus, triple es, et trois seras,
Et, comme tes Eleus nous eterniseras,
De ton divin Esprit enflamme mon courage
Pour descrire ton Homme, et louer ton ouvrage,
Ouvrage vrayement Chef d'[oe]uvre de ta main :
A ton image fait et divin, et humain.

Premier en son Rien clos se celoit en son Tout,
Commencement de soy sans principe, et sans bout,
Inconnu, fors a soy connoissant toute chose,
Comme toute de soy, par soy, en soy enclose :
Masse de Déïté en soymesme amassee,
Sans lieu, et sans espace en terme compassee,
Qui ailleurs ne se peut, qu'en son propre tenir
Sans aucun tems prescrit, passé, ou avenir,
Le present seulement continuant present
Son estre de jeunesse, et de vieillesse exent :
Essence pleine en soy d'infinité latente,
Qui seule en soy se plait, et seule se contente
Non agente, impassible, immuable, invisible
Dans son Eternité, comme incomprehensible,
Et qui de soy en soy estant sa jouïssance
Consistoit en Bonté, Sapience, et Puissance.


-----------------------------------------------------------

Microcosme - AU LECTEUR

AU LECTEUR

Le vain travail de voir divers païs
Aporte a qui vagabond erre,
Combien qu'il perde à changer ciel, et terre,
Ses meilleurs jours de tems larron trahis.

Ce tems perdu peut aux plus esbahis
Gaigner encor son merite, et acquerre
Son loyer deu, que mieux peuvent conquerre
Veille, et labeur d'oisiveté haïs.

Ainsi errant dessous ce cours Solaire
Tardif je tasche inutile à te plaire
Ne mendiant de toi autre faveur.

Ainsi le Lys jà flestri refleuronne,
Et le Figuier regette sur l'Autonne
Son second fruict, mais vert, et sans saveur.

NON SI NON LA